Post16 (3-April-2013)

                               “IMTIHAAN AKHIR KHATRA KYUN??”

                                                                            

Board k imtihaan shuru honay ko hain. Tamaan tabil e ilm din dugni raat chogni mehnat o mushaqat mein masroof dikhaey detay hain. Khatray ki ghantiyaan subha o sham baj rhi hain. Puray saal mehnat karnay k bad bhi akhir ye imtihhaan khatray ki waja kyun??

Baaz talib e ilm aesay hotay hain jo aghaaz e saal say lay kr ikhtetaam tak khoob mehnat kr k taman imtihaani marahil mein achay darjaay say kaamyab hotay hain...

Lakin wohi imtihaan mein wo kamyaabi hasil nhi kr paty jo kaamyabi wo puray saal mehnat kr k hasil kartay hain. Iski aik eham wajha dar, khouq aur khatra hai jo amuman 

her imtihaan k waqt bacho ko buri tarhan apnay qabzay mein kr leta hai.

Aesi pareshani k bais mehnat,, kamyabi k bajaey nakaami mein tabdeel hojati hai.. jiski chand wajoohaat ye hain k :

Mukhtalif sargarmion mein masroof rehna aur parhai p puri tarhan tavajuu na dena, khaas aur mushkil mazmoon ko darguzar karna, mukhtasaraan ya zarurat say zyada kisi mazmoon ko samjh lena, parhai ko lay k waldain aur ustad  ka bachon per dabaao..

Ye chand wajuhaat ho sakti hain jin ki wajha musalsal nakaami hai. Parhai ko tulbaa o talibaat per bojh bananay say unki choti kaamyaabi bari nakaami mein tabdeel ho sakti hai lehaza zehan per dabaao dalay baghair her mazmoon ko tulba o talibaat k zehan k aytabar say smjhana, shaksiyaat per manfi asraat janam lenay say mehfooz rakhta hai.

Imtihaan hamari zindagi ka hissa hai, isay jeenay aur marnay ki wajha na banaya jaey. Apnay ghar mein pur sukoon mahul paida kijye, is tarhan bachay mukhtalif zehni dabaao say mehfooz rehtay hain. Jo mazmoon yad karen usay dohrana rozana ka maamool bana len, is tarhan mazmoon apk dimag mein mehfooz ho jaeyga. Timetable tarteeb dijye aur imtihaan ki tayari mein her mumkin madad kijye.

Dimagi tavazun tar o tazaa rakhnay k liey khail khailnay ko bhi ehmiyat dijye is tarhan dimagi tavazun tazah rahega aur bachay behtar mehsoos karengay. Bacha agar na parhay to inki madad kijye, inki soch k mutabik samjhaeyn, dantnay say guraiz kijye. Aik nhi ko aik haan mein tabdeel karnay ki koshish kijye is say na sirf zehni nasho numa hogi balkay mustakbil k liey kamyabion k raastay khul jaeyngay.