Post31 (11 -april-2013)

                          “UBHARTAY DAUR KI BARHTI BEEMARI”

Is mashray mein jahan chars aur heroen ko khasi ehmiyat hasil thi isi tarhan cigarette k bad ab “shisha” bhi naujavan k dilon per raaj kar k in ka pakka dushman ban’nay ka thaus sabot paish kr rha hai. Maujooda halaat mein cigarette k bad ab shisha naujavan larkay, larkion, mard hazraat hon ya aurtein,, tabahi ka bais ban kar numaya kirdaar ada kar rha hai.

Naujavaan nasul  shisha bataur fashion istimaal kar k khud per fakhar mehsoos kartay hain lakin wo shaid ye nhi janaty k ye kis had tak mohlik aur jan leva sabit ho sakti hai. Hukka ki revayat takreeban 300 saal purani hai jisay ab shisha k nam say aalaa maqaam hasil hai. Hukka banana k lye tambakoo ka istimaal kiya jata hai, is ki jaded qism shisha hai jis mein tambakoo ki mehak ko posheeda rakhnay  k liey sweet flavours istimaal kiey jatay hain.

Shisha may maujood takreeban 40% tambakoo, 60% flavor aur kimyai maujood hota hai. W.H.O k mutabik 20-25 million afraad is jaan leva nashay mein mulav’vis hain jin mein 36% larkay aur 22% larkian shamil hain. Shisha k istimaal say cancer ka khadsha mumkin hai jab k is ki mehak say nikalnay wali kimyai maujooda afraad k jism ko apni lapait mein lay leti hai. Is say na sirf mahaul aaludah hota hai balkay ye intahai muzir-e-sehat bhi hai. Chand barson mein Pakistan k sath sath india, china aur Bangladesh mein bhi shisha ko khas maqboliyat hasil hui hai.

Pakistani qanoon k mutabik 16 saal say kum umer naujavaan per cigarette ki tarokht per pabandi aa’id hai. Saval ye hai k  barhtay huay naujavaan per is ka intimaal aur farokht akhir kyun jaiz hai? Jab k cigarette k packets per bhi likha arha hai “tambakoo noshi muzir-e-sehat hai” is k bavajood bhi hum is say chutkara hasil karnay mein nakaam hain.

Is k khilaaf qanooni karavai ki jaey aur naujavaan nasal ko barbadi k dhanay per chalnay say mehfooz kar k tahafuz faraham kiya jaey. Nasha insaan say is ki taqat aur achay buray ki tameez cheen leta hai is liey zaruri hai k shisha ki lanat tark kar k saaf suthri zindagi basar ki jaey.