Post35 (13-April-2013)

                         Sawaliya Nishan

Yun to es waqt pore mulk me hi aman o aaman ki surat e haal itminan buksh nai khususan karachi me to aam o khaas admi ki zindagi ajiran bani hui hai. Aik taraf bijli ka bhuran, mehngai, berozgari toh dusri taraf aman o amaan ki kharab surat e haal street crimes, loot maar dehshat gardi or katal o garatgiri ka raaj hai taget killing ka silsila to mamol ban gaya hai jis per log ye kehte dekhai dete hain k ab Karachi me aman hai magar es aman ki halat me roz hi 10 se 15 afrad ko mout ki neend sola diya jata hai jo mamol ki baat hai. Har roz tajir, dukan dar, rikhshaw taxi driver, nojawan, bachy aur khawatein jaisay masoom shahri, siyasi o mazhabi rehnoma aur karkun namaloom afrad ki goli ka nishana to bante hi hain lekin rangers aur police ehalkar jo aam shahriyun ko tahafuz farham karte hain khud in namaloom afrad ki goliyun ka nishana bane hue hain. Aur kabhi ye namaloom afrad adhe ghanty me pora shahar band kara dete hain aur qanoon nafiz karne wale idare dekhte hi reh jate hain. Rozana katal o gharat giri ki wardatein or us  k bad  dharnay or hartal mamool bn gaya jis se hazaron logon k ghar k chiragh to gul hote hi hain lekin cholah bhi bang ho jata hain.
Magar afsos hukumat k kaan per jon tk nai reengti. Karachi k aman k liye  koi hukumati iqdam kyun nai utae jate? Karachi jo kabhi roshaniyun ka shahr keh laya jata us k chiragh kyun gul kiye jar he hain? En ki hifazat ki zimadari kis per aaid hoti hai? Kya Karachi Pakistan ka hissa nai? Es shahr per hukumat e Pakistan ka koi qanoon kyun nai chalta?